ლოგიკის ძალა

გადავწყვიტე სპარსულ-ქართული ლექსიკონის (farsi-gorji.blogspot.com) ელექტრონული ვერსია მივუძღვნა სსრკ შსს შინაგანი ჯარების პოლკოვნიკ ბეზუგლის!

რატომ?

რატომ და ამქვეყანაზე ყველაფერი მიზეზ-შედეგობრივ კავშირშია და ლოგიკას ექვემდებარება. 

ასე მაგალითად:

- 1981-83 წლებში პოლკოვნიკ ბეზუგლის რომ არ გაეკეთებინა ყველაფერი საიმისოდ, რათა მე დღედაღამე წყევლა-კრულვით ამეკლო ის დღე, როცა აღმ.მცოდნეობის ფაკულტეტზე შევიტანე საბუთები...

- 1983-92 წლებში ხსენებული წყევლა-კრულვის და სპარსულის საშვილიშვილოდ შეძულების გამო სსრკ-ს დაშლამდე თითქმის უმუშევარი რომ არ ვყოფილიყავი

- უმუშევრობის გამო კროსვორდების შედგენა რომ არ დამეწყო...

- კროსვორდების შედგენის გამო ჩემი საკუთარი გაზეთის გამოცემის იდეა რომ არ გამჩენოდა...

- ჩემი საკუთარი გაზეთის გამოცემას ჩემში პოლიგრაფიული ნაწარმის დაკაბადონების სურვილი რომ არ ეშვა...

- დაკაბადონების ცოდნის გამო წიგნების შექმნის აზრი რომ არ წარმოჩენილიყო...

- წიგნების გამოცემას გაზეთის შეჩერება რომ არ გამოეწვია....

- გაზეთის შეჩერებას და ბევრი თავისუფალი დროის ქონას სპარსულ-ქართული ლექსიკონის შექმნა რომ არ განეპირობებინა...

...სპარსულ-ქართული ლექსიკონის წიგნის დაბეჭდვის შემდეგ კი დადგა დღის წესრიგში მისი ელექტრონული ვერსიის არსებობის საკითხიც...

...ამიტომაც ვუძღვნი მას სსრკ შსს შინაგანი ჯარების პოლკოვნიკ ბეზუგლის (სახელი დამავიწყდა... შინაურულად "ДЕД"-ს ვეძახდით, ანუ პაპას).

ლოგიკას ისეთი ძალა აქვს - ქვას გახეთქავს!