...ანა გერმანი კარგად მახსოვს ბავშვობიდან... მისი ტრაგიკული ბედის ამბავიც მქონდა გაგონილი, მაგრამ ახლა ვნახე ეს სერიალი - Анна Герман, "Тайна Белого Ангела"... ყველაფერი კარგია: დრამატურგია, რეჟისურა, მსახიობები, მუსიკაზე რომ აღარაფერი ვთქვათ... ეს სწორედ ის შემთხვევაა, როცა ფილმი იქმნება არა ვინმეს საამებლად ან პოლიტიკური კონიუნქტურის სამატრაბაზოდ, არც უბრალოდ დროის გასაფლანგად და პოპ-კორნის საჭმელად... ბევრი რამ გამახსენდა, ბევრი რამ გავიგე და საბოლოო დავრწმუნდი იმაში, თუ რა ბოროტება იყო "საბჭოთა კავშირი"... ოღონდ არა იქ მცხოვრები ხალხით, არამედ პოლიტიკური მიზნებით აღჭურვილი ნაძირალებით, რომლებიც ანგრევდნენ, ანადგურებდნენ, სპობდნენ იმ ხალხის ცხოვრებას, ვისაც სურდა უბრალოდ ეცხოვრა და ჰყოლოდა შვილები, ჰყვარებოდა თავისი ახლობელი ადამიანები... ეს არარაობები იშველიებდნენ "დიად მიზნებს" საკუთარი ცხოველური ინსტინქტების დასაკმაყოფილებლად... 70 წელი ირგვლივ წამლავდნენ ყველას და ყველაფერს და გვაჯერებდნენ, რომ ჩვენი ბედნიერებისთვის იღწვოდნენ და შედეგად მიიღეს აწეწილ-დაწეწილი ცხოვრება დედამიწის ერთ მეექვსედზე და კიდევ მეტზე...
...და ყველაზე დიდი საშნელება ის არის, რომ ილუზორულ "დიად მიზნებს" კიდევ თხზავენ და, ალბათ, კვლავაც შეთხზავენ ნაძირალები...
უსმინეთ ანა გერმანის სიმღერას... იმ ჩვენი ცნობილი გამოთქმისა არ იყოს, ეს ერთი "გაბმული და დაუსრულებელი ტკივილია"
Комментариев нет:
Отправить комментарий